Mashxur o’yinchoqlardan biri ilk bor ekranda namoyon bo’ladi. “Mattel” o’yinchoqlar kompaniyasi hamda “Universal Pictures” kinostudiyasi hamkorlikda bir necha avlod qizlarini o’ziga rom aylagan qo’g’irchoq haqida filmni suratga olishni rejalashtirishdi. Hozircha qo’g’irchoq Barbi qanday obrazni talqin etishi ma’lum emas. Zero, u o’zining yarim asrlik umri davomida kollej talabasi, uchuvchi, harbiy zobit, hatto astronavt ham bo’lishga ulgurdi. Bu yil mashhur o’yinchoqlar qirolichasi – qo’g’irchoq Barbi o’zining 50 yoshlik yubileyini nishonladi.